Siri Ann MKA

Annonse

2009-01-26T08:19:00.001-08:00

Me fekk i oppgåve å lage ein annonse for fjellfilmfestivalen.

Her er min:

Portefolio del 3

2009-01-09T00:21:00.000-08:00

Foto

I haust fekk me ei fotooppgåve. Me skulle lage ein fotocollage med 3-4 bilde, og temaet fekk me velje sjølve. Eg var litt usikker på kva tema eg skulle ha, men falt til slutt på temaet "sorg." Collagen ligg også på flickr.

Fyrst laga meg eit slags storyboard og teikna skisser av bileta mine før eg tok dei. Eg tenkte ut korleis eg skulle redigere dei og kva utsnitt eg skulle ha. Eg visste akuratt korleis bileta skulle sjå ut før eg tok dei.

Bilde 1: Her fekk eg søstra mi til å vere med. Eg skreiv RIP (rest in peace) på ein stein og fann ei rose. Så plasserte eg ho framfor og knipsa i veg. Eg tok ein del bilete for å vere sikker på å få minst eit bra.

Redigering: Fyrst så brukte eg Crop tool og beskjerte det slik eg ville ha. Etterpå brukte eg quick selection tool og merka rosehovudet. Så gjekk eg inn på image, adjustments og deretter black & white og gjorde alt svart/kvit utanom rosa.

Bilde 2: Her laga eg fotspor i snøen og la rosa ved sidan av. Ettersom snøen reflekterar ein del lys måtte eg skru ned lukkartiden for at bileta ikkje skulle bli for lyse.

Redigering: Her brukte eg også Crop tool og beskjerte det. Eg gjekk eg inn på image, adjustments og levels for å endra styrken på fargane i helie biletet.

Bilde 3: For å ikkje få forstyrrande element i bakgrunn fann eg meg ein kvit vegg og plasserte lyset framfor.

Redigering: Her har eg gjort det same som i bilde 1. Brukte quick selection tool og merkte flammen. Så gjekk eg inn på image, adjustments og black & wite for å gjere resten svart/kvit. I tillegg gjorde eg det litt mørkare ved hjelp av image, adjustments og levels.

Bilde 4: På dette bilete ser du halve ansiktet til søstera mi. Dropen på kjaken er laga med vatn. Eg plasserte ho i ein halvmørkt rom og tok bilete med blitz.

Redigering: Aller fyst brukte eg crop tool og beskjerte det ein god del. Deretter lærte eg meg ein anna måte å lage svart/kvit bilder på. Eg gjekk inn på image, adjustments, channel mixer og merka av monochrome. Dette ga bildet eit litt mørkare preg.

Dekoren/skrift: Dekoren på sida har eg lasta ned frå denne nettsida. Eg valde å plassere desse her så det ikkje skulle bli så mykje kvit tomrom. Eg brukte lang tid på å finne dei rette motiva. Så forstørra eg dei ein del og sette dei inn. Eg var litt i tvil om kva eg skulle skrive, men fann ut at det var enklast å berre skrive temaet. Her brukte eg fonten "lucida blackletter." Bakgrunnsfarge var noko eg også var innom, men fann ut at det vart best med kvit bakgrunn.

Eiga vurdering: Eg blei ganske nøgd med sluttresultatet. Eg likte bilda og korleis eg valde å plassere dei i forhold til kvarandre. Bildet oppe til venstre er plassert slit at ansiktet "ser" utover resten av bildet. Eg likar spesielt godt bildet nede i høgre hjørne. Min photoshop kompetanse blei styrka gjennom dette prosjektet. Eg lærde meg nokre nye metodar og effektar.

Læreplanmål:

- Bruke blender, lukker, brennvidder og ISO-verdier på kamera.

- Planlegge, gjennomføre og vurdere produksjoner i tekst, bilder, lyd og kompinasjoner av disse i ulike formaterog til ulike medium.

Portefolio del 2

2009-01-07T10:04:00.000-08:00

Avis/tekst.

I vår hadde me eit prosjekt om journalistikk der me skulle skrive ein artikkel for avis. Kva me skulle skrive om fekk me bestemme sjølv. Men det måtte sjølsagt vere relevant og sakleg. Eg ville finne noko lokalt å skrive om og visste med ein gong kva. På riksveg 55 mellom Skjolden og Luster, Gullringen, skal det bli tunnell og reinskingsarbeidet var i gang.

Eg og Heidi gjekk saman for å skrive ein artikkel. Eg skulle skrive hovuddelen og ho ei undersak. Eg ringde rundt til masse forskjellige folk for å få til eit intervju med reinskingsarbeidarane. For å få bilete bestemde me oss for å møte dei i Gullringen. Me møtte opp og fekk til eit godt intervju og tok nokre bilete av dei. Stor del av lokalbefolkinga på Skjolden køyrer forbi Gullringen nesten kvar dag. Difor avtalte me intervju med nokre lokale. Heidi skreiv om lokalbefolkinga i undersaka si, og eg skreiv om sjølve arbeidet med tunnellen.

Me skreiv ferdig kvar vår sak og sette dei saman til slutt. Me tok også ein del bilete og plukka ut dei som passa best. Deretter skreiv me bildetekst til kvart bilete. Pga dårleg lokale blei bilete av Susanne Svardal ikkje så veldig flatterande. Her burde me funne ein betre plass å ta bilete på, men slik blei det berre.

Saka kom på trykk i Sogn Avis kort tid etter me hadde sendt ho inn. Me må seia oss nøgde, sjølv om saka blei litt kort.

Læreplanmål:

- Å kunne uttrykke seg skriftleg i medium og kommunikasjon innebærer å utforme tekstar i ulike sjangrar til bruk i ulike medier. Det innebærer også å kunne skrive eit variert og presist språk.

- Analysere bruk av kjelder innan ulike medier og i eigne produkt, og sjølv utdøve kjeldekritikk.

Her er saka:

Bildetekst:

Bilde 1. Reinskingscrewet i Gullringen. F.v Kjetil Dahl (statens vegvesen), Tommy Gardnes, Even Nyheim og Nina Werpholz (Betong Renovering.)

Bilde 2. Gullringen sett frå andre sida av fjorden.

Bilde 3. Prosjektleiar Susanne Svardal.

Etterlengta tunnelarbeid i gang

Av Siri Ann Skagen

Skjolden/Luster: Tunnel mellom Luster og Skjolden har lenge vore eit omtalt tema. No står endeleg Gullringen for tur, noko som blir sett stor pris på hjå lokalbefolkinga.

Reinskingsarbeid

No på seinsommaren har reinskinga til den nye tunnelen i Gullringen komme i gang. Det skal reinskast store område før alt er klart. Fleire arbeidskledde folk møtte oss i Gullringen. - Jobben føregår for det meste oppe i tau. På det høgaste jobbar me 325 m over bakken, så dette er ikkje ein jobb for folk med høgdeskrekk! seier Tommy Gardnes frå Betong Renovering AS. - Det er alltid risikabelt å jobbe i fjellveggen, men me eliminerar alle farar og har godt med tryggingsytstyr. Det er faktisk tryggare for oss oppe i fjellveggen enn det er for bilistane nede på vegen.

Juli 2010

Arbeidet med tunnelen startar i januar/februar 2009. - Me reknar med at han står ferdig og blir opna i juli året etter, seier prosjektleiar Susanne Svardal. Massane frå Gullringen skal mest truleg fraktast med lastebil og skal brukast til cruisekai på Skjolden. - Dette er eigentleg eit veldig kort prosjek. Det skal ikkje gjerast noko spesielt i endane av tunnelen og han blir berre 1,1 km lang, seier Svardal.

Forskotering

- Grunnen til at det ikkje er gjort noko i Gullringen før er at det er mange dårlege vegar i Sogn og Fjordane som må gjerast noko med, seier Svardal. Luster kommune forskoterar heile prosjektet og det gjer at arbeidet i Gullringen kan byrja så snart. Lokalbefolkninga som må køyra gjennom nærast kvar dag er veldig takksame for at det endeleg blir gjort noko.

Om alt går etter plan, blir det opning av tunnelen i juli 2010. Under reinskinga oppfordrast folk til å ta hensyn til skiltinga og køyre forsiktig forbi Gullringen. Dei dagane det er reinskingsarbeid er vegen open kvar time og når bussane skal gjennom.

Portefolio del 1

2009-01-07T09:02:00.000-08:00

Me har fått i oppgåve å lage ein portefolio som skal vise 3 av dei beste produkta me har produsert i år. Me måtte presantere produkt innan lyd, bilde og tekst.

Film/lyd

Eg, Sigrid, Heidi og Stine Mari melde oss på ein konurranse på sol.no om å lage ein reklamefilm for deodoranten Axe. Her var ein med i konkurransen om å vinne 25 000 kr samt ein i-pod.

Me byrja idèmyldringa, og hadde mange idèar. Storyen me enda opp med starta som ein spøk, men me bestemde oss for å bruke han. Kort fortalt skulle me filme ein bonde som hadde problem med å samle saman kyr. Men når han spreiar seg med Axe kjem det både kyr og traktor med ei dame i skuffa. Dette for å vise kor stor tilltrekkingskraft Axe har. Etter at historien var klar laga me eit grundig storyboard, noko som er veldig viktig i planlegginga og gjennomføringa av ein film. I storyboardet skreiv me kameravinklar, eventuelle lydar/musikk/replikkar, antal sekund scena skulle vere, skisse av scena og kven som er med.

Sidar Stine Mari har både gård og kyr passa det bra at me filma der. Me reiste inn til fagre Luster og brukte nokre timar på filming. Ein venn av meg blei med og spelte bonden. Å filme med kyr, og å få dei til å gjere som me ville, var ein utfordring. Men med litt hjelp gjekk det fint. Undervegs i filminga fann me på andre og betre løysningar til kameravinklar o.l enn det me hadde planlagt i storyboardet. Vel attende på skulen skulle me ta fatt på redigeringa. Då me hadde lagra filmen på dataen, såg me at bileta ikkje var så gode som me hadde håpa på. Så for å få til ein skikkeleg film, reiste me inn i Luster igjen og tok nye opptak. Noko endringar måtte gjerast, men dei nye opptaka blei mykje betre.

Redigeringa gjekk fint og me brukte både nye og gamle klipp. Men det me ikkje heilt hadde fått med oss var at reklamen skulle kun vere på 30 seg. Derfor måtte me klyppe ned filmen veldig mykje meir enn det me trudde. Me blei nøgde med resultatet og blei nominert til ein pris på q-film festivalen på Sandane. Me vann ikkje konkurransen på sol.no, men fekk terningkast 4.

Læreplanmål:

- Bruke ulike formar for fortellarteknikk og dramaturgi i eigne tekst-, bilde- og lydproduksjonar og kombinasjonar av disse, og begrunne valga.

- Planlegge, gjennomføre og vurdere produksjonar i tekst, bilde, lyd og kombinasjonar av disse i ulike formater og ulike medium.

Filmen kan du sjå her: http://www.youtube.com/watch?v=4WVUvtiGa2U&feature=channel_page

Ungt Entreprenørskap

2008-12-08T02:23:00.000-08:00

Me skal som kjendt til London i mars. Til det treng me masse pengar, som ikkje kjem av seg sjølv.

Me har starta bedrifta "Medieverket" som har eiga nettside ute på nettet. Me har hatt ulike oppdrag til no. Bland anna har me filma forestillingar, vore lyd og lys ansvarlege og laga nettsider. No har me fordelt bedrifta vår på 4 greiner; grafisk design, kurs, hendingar og foto. Alle gruppene har ein hovudansvarleg som fordeler oppgåver og rapporterar til dei andre gruppene om kva som skjer.

God organisering og kommunikasjon er veldig viktig. Med så mange ballar i lufta samtidig kan det fort bli litt surr. Derfor har me laga oss ein perm der me legg alle papira. Å ha orden på dei formelle papira er veldig viktig. Ein må oppføre seg profesjonellt og gjere ein grundig jobb for å gjere kundane nøgde. På den måten kan me få litt gratis marknadsføring ved at bedrifter anbefalar oss vidare til andre bedrifter. Samarbeid er sjølvsagt veldig viktig her.

Me har alt fått inn ein del pengar, men treng ein GOD del meir. :) Alle gjer ein veldig god innsats! flinke klassen :)

Entreprenørskap

2008-10-27T12:30:00.000-07:00

I mars skal klassen til London. For å skaffe pengar til turen har me starta med entreprenørskap.

Entreprenørskap tyder å utforme og iverksette ei bedrift. Vil du lese meir om entreprenørskap kan du gå inn på: www.sjf.no. Dette er nettstaden til Sogn og Fjordane Fylkeskommune, og her står det litt om Ungt Entreprenørskap.

Klassen har bestemt seg for å ta på seg oppdrag frå folk og bedrifter som treng nettstader, logoar o.l. Me har delt klassen slik at nokon har hovudansvaret for denne delen av entreprenørskapet. I den gruppa har dei igjen delt inn i økonomiskjef, leiar osv. Når dei får oppdrag kan dei som vil og kan vere med på oppdraget. Prisen blir sett etter storleiken på oppdraget. For å få best respons etter utført arbeid vil me gjere det så profesjonelt som mogeleg. Då vil kanskje kunden anbefale oss til andre og dermed får me litt gratis marknadsføring. Andre måtar å marknadsføre seg på er med plakatar o.l.

Ved sidan av dette har me vaffelsal. Hovudansvaret for vaffelbedrifta har eg, Heidi og Anders. Heidi er leiar, Anders økonomisjef og eg er utstyrsansvarleg. Vaffelsalget blir gjort på Sogningen storsenter kvar torsdag etter skuletid. Me har delt inn i grupper på to og to som skal sitte på Sogningen frå 14.30 til 16.30. Vafflene kostar 15 kr pr vaffel. Men etter det fyrste salget torsdag 23.oktober, har me bestemt oss for at prisen må ned til 10 kr ettersom me fekk mange kommentarar om at prisen var for høg. Her er gruppene for vaffelsalget:

23.10 Siri Ann og Heidi

30.10 Sigrid og Simon

06.11 Andrine og Karoline

13.11 Ola og Elin

20.11 Andrè og Stine Mari

27.11 Margreta og Anders.

Fredag 7. novermber skal klassen på ei messe på Eid. Messa heiter First Lego League og er ei messe der born og unge frå Skandinavia samlast for å konkurrere med programerte legobilar. Til denne turen har me ringt rundt til utallige bedrifter for sponsing. Til no har me fått inn rundt 8000kr trur eg.

Om alle gjer sin del av arbeidet og står på skal me nok komma oss til London :)

2008-05-21T23:50:00.000-07:00

Tysdag 22.mai

FERDIG:D

I dag blei me heilt ferdige med filmen. Me gjorde siste finish i dag og er veldig nøgde med resultatet. Eg og Stine Mari lagar presentasjon som me skal ha i morgon.

prosjekt til fordjupning.

2008-05-20T04:16:00.000-07:00

Mandag 19. mai

I dag fekk me bruke heile dagen til prosjektet. Me redigerte alt ferdig og mangla berra å fryse eit bilete på slutten. Eg og Stine Mari byrja på framføringa me skal ha onsdag.

Her er eit bilete i frå filminga. Her ligg Inge Kjell i den aller fyrste scena av filmen.

Prosjekt til fordjupning.

2008-05-19T00:05:00.000-07:00

Fredag 16. mai

I dei to fyrste timane i dag hadde me Per Magne Sviggum. Han er grafisk designar og snakka litt om bedrifta si og om korleis det er å vere grafisk designar. Han viste oss arbeid han har gjort og snakka om dei. Det var lærerikt og me fekk eit innblikk i korleis han jobbar. Ikkje alt av det han lærte oss var nytt stoff. Han forklarte også kva og korleis det er å vere art director. Korleis han jobba

Etter mat gjekk eg, Stine Mari og Karoline ned i redigeringsrommet. Me har hatt litt problemar med lyden men idag fekk me ordna det. Me tok bort dei lydane som var på filmen og fann erstatningar på dataen. Det gjekk fint og me blei kvitt problema våre. Me fann og ut at me skulle ha musikk gjennom nesten heile filmen. Så me fann passande sangar og sette dei inn. No er alt klart, det einaste me treng hjelp til er å fryse filmen. Noko me må spørje Ragnvald om på tysdag. Eller så er filmen heilt ferdig og me er godt nøgde.

Her er link til ein slankereklame eg fann på YouTube. Det var ikkje enkelt å finne ein slankereklame som var noko lunde lik vår, men dette var det eg fann: http:/www.youtube.com/watch?v=PFFkbbbZHv8

Prosjekt til fordjupning.

2008-05-13T05:38:00.000-07:00

Tysdag 13. mai

I dag hadde me fyrst to timar om foto med Tomas Morel. Det var kjempe kjekt å høyre korleis han jobbar og korleis han har kome so langt som han har. Han er flink. Me var så heldige å få vere med han ned i studioet hans for å sjå korleis han jobba. Han tok nokre bilete av oss. Det var lærerikt.

Etter mat sette me oss ned for å redigere. Me fiksa lyden pga den hang etter biletet på nokre plassar. Så sette me på sangen me skulle ha; "i feel good" med James Brown i "drømmescena." Så las me inn voiceoveren me skulle ha med i filmen. Det var det Karoline som gjorde.

Me har endå ikkje fått på plass lyden nokre stadar. Det treng me Ragnvald for å få til. Han var desverre ikkje på skulen i dag, så me satsar på at han kan hjelpe oss på torsdag. Me har også starta med rapport skrivinga.

Prosjekt til fordjupning.

2008-05-12T01:42:00.000-07:00

Fredag 9. mai

I dag hadde me fyrst to timar med Albertine om karakterbygging. Det var moro. Etter på gjekk me ned for å redigere. Me jore nokre finjusteringar og fann fram musikk og effektar me skulle bruke. Sidan me har litt problem med at lyden heng etter, må me vente til Ragvald kjem så han kan hjelpe oss med det. Me fekk gjord ganske mykje, og er snart ferdige med filmen vår. Det gjenstår berra musikk og finjustering. Så må me også lage rapport.

Prosjekt til fordjupning.

2008-05-12T01:40:00.001-07:00

Onsdag 7. mai

Idag hadde me berre dei to fyrste timane til prosjektet. På dei to timane fekk me alt råmateriale inn på dataen. Etter det såg me gjennom alt og valde ut kva me skulle bruke, for så å sette det i lag. sidan me hadde så liten tid fekk me ikkje tid til å redigere så mykje.

Prosjekt til fordjupning.

2008-05-06T11:32:00.000-07:00

Tysdag 06. mai

I dag hadde me Bjørn Bergum på skulen i to timar. Det var moro og lærerikt. Etter dei to timane reiste eg, Stine Mari og Karoline ned på hybelen min og gjorde alt klart til filming. Me rydda og sette på plass og tok bort detaljar. Klokka 15.15 kom Inge Kjell, og var klar som eit egg til å filme. Me kledde han ut og sminka han. Me hadde det kjempe moro og han var veldig engaskjert og flink. Me fann ut at eit godt storyboard er veldig fint å ha. Me sa kva Inge Kjell skulle gjere, og han gjorde det. Veldig fint samarbeid. Me filma alt me skulle filme på hybelen fyrst. Me filma også dei "tynne" scenene fyrst så me slapp å ta av å på kleda. Me sminka han og styla håret hans. Etter me var ferdige me hybel scenane, køyrde me opp på skulen for å filme der. Det gjekk kjapt og fint.

Me brukte ca 2 timar der me jobba effektivt og bra. Inge Kjell er ein flink skodespelar;)

Me har hatt eit veldig fint gruppearbeid og vore veldig effektive. Alt som gjenstår no er redigeringa. Det håpar me på går fint.

Prosjekt til fordjupning.

2008-05-06T11:27:00.000-07:00

Mandag 5. mai

Dei to fyrste timane i dag hadde me Synnøve Astrid. Ho hadde føre seg avis og avisartiklar. Etter det laga me emballasjen til slankeproduktet vårt. Me brukte illustrator til desig og skrift. Etter det skreiv me det ut og limte det på flaska. Me reiste kl 13.00 pga me skulle filme på ettermiddag/kvelden tysdag.

Prosjekt til fordjupning.

2008-04-29T05:36:00.000-07:00

Tysdag 29.04.08

I dag sette me oss ned i eine redigeringsrommet for å sjå film til inspirasjon. Me såg filmen "City of God." Filmen var god men litt langdregen. Me hadde to timar med Ragnvald(som faktisk har bursdag) om lydeffektar fyrst i dag. Det gjorde til at me hadde fokus på lyd og musikk når me såg filmen.

GRATULERA ME DAGEN RAGNVALD! :D *klapp,klapp*

Prosjekt til fordjupning.

2008-04-29T05:30:00.000-07:00

Mandag 28.04.08

I dag var me nede på hybelen min der me skal filme. Me tenkte oss kameravinklar og kvar me skulle filme. Me gjekk gjennom kvar og kva me skulle filme. Me tenkte då på utsnitt, kameravinkel o.l. Etter det gjekk me ned på Meny for å sjå etter kva emballasje me skal bruke til slakemiddel. Mykje meir en det fekk me ikkje gjort. Me er klare til å filme men kan desverre ikkje byrje med det før tysdag 6. mai pga skodespelarane.

Prosjekt til fordjupning.

2008-04-28T12:39:00.000-07:00

Fredag 25.04.08

I dag laga me eit skikkeleg storyboard. Me brukte eit ark på kvar scene. Under skreiv me handling, kameravinkel, skodespelarane, utsnitt og ca kor lang tid det ville ta. Det blei utruleg fine teikningar av vår svært så talentfulle Karoline. ;) Me finpussa òg på manuset vårt. Me henta også fram eit læreplanmål me kunne rette oss mot.

Det neste som skal skje er at me skal filme. Me er kome lenger enn me fyrst hadde venta og ligg godt ann til å bli ferdige i tide.

Porsjekt til fordjupning

2008-04-28T12:25:00.000-07:00

Dei neste 4 vekene framover skal me ha prosjekt til fordjupning. Det vil seie at me kan fordjupe oss i eit eller anna tema innan media. Eg valde film. Det same gjorde Karoline og Stine Mari. Det er bra, for å lage film aleine er ikkje enkelt. Difor har me valgt å jobbe i lag om å lage ein reklamefilm. Der skal me reklamere for eit slankemiddel. Me skal vise at produktet faktisk virkar.

Her er ideen vår:

Me ser ein overvektig og slapp mann som står opp ein morgon. Han har store problem med å komme seg opp og ser seg i speigelen og sukkar. Så kjem han gåande opp ein bakke. Forbi han joggar to velforma og spreke damer. Den eine dama stoppar framfor kamera, held opp slankemiddelet og snakkar om det. Ho tek ein slurk og kastar frå seg den tomme emballasjen og joggar vidare. Den overvektige mannen tek opp emballasjen. Det neste som skjer er at han kjem heim på kjøkkene, set frå seg ein pose og tek opp slankemiddelet han har kjøpt. Så tek han seg ein slurk og kjem inn i sin eigen verden der damene går rundt han. Så kjem han til seg sjølv att. I den siste scena ser me at klokka ringer 06.00 eit par månadar seinare og den tidligare overvektige mannen sprett opp av senga.

Den overvektige mannen skal spelast av godaste Inge Kjell. Dama som snakkar om produktet skal spelast av Karoline. Den eine joggedama er Stine Mari. Damene som går rundt han i drømmen er Hedda og Malene frå almenn.

Utplassering dag 5.

2008-04-11T13:43:00.001-07:00

Idag er det siste dagen med utplasseing. Me var hjå Bjørn Bergum i dag også. Då me kom hadde han ein veldig livlig "Aordøl" me seg. Imens han snakka med aordøln såg me gjennom bilda me tok i går. Då han var ferdig gjekk me ut og han viste oss korleis me kunne bruke sollys og skjermar til å få fine bilete. Så reiste han inn og me fekk drive på litt ute på eiga hand. Etter ei stund kom han tilbake og var med oss. Så gjekk me inn og åt. Medan me sat og åt viste han oss fantastisk fine bilete han hadde teke. Etter det sette me oss ned med kvar vår mac og gjekk gjennom bileta frå begge dagane. Bjørn kommenterte og snakka med oss. Han viste oss også nokre enkle triks i photoshop me kunne gjere for at bileta skulle bli betre.

Sjølv om me berra har vore med Bjørn i to dagar, har vertfall eg lært mykje. I hovudsak har eg lært mykje om lysbruk. Bjørn har meir eller mindre snakka uavbrutt i to dagar. Noko som har vore veldig moro og veldig lærerikt! Det er ingen tvil om at viss eg nokon gong vil ha nokre fine bilete, vel eg fotograf Bjørn Bergum. Då får du ikkje berre utruleg fine bilete, men også mange historiar og artige utspel. Ein kjernekar!

Utplassering dag 4.

2008-04-10T07:00:00.000-07:00

Idag har me vore pao Kjødnes av Bjørn Bergum. Han er ein av dei tøffaste personane eg har møtt på lenge! Han sa det han meinte og spara ikkje på noko. Veldig energisk og engasjert. Me blei godt mottekne og me blei fort husvarme. Dagen starta med at Bjørn snakka om det å ta bilete og andre ting rundt fotografering. Av og til lurer eg på om han gløymte å puste, for han snakka masse! Men han snakka på ein måte og med ein så innlevelse at me fekk med oss det meste. Telefonen ringde x antal gonger og ringetonen blei ein kjend melodi utover dagen. I halv 11 tida måtte han til tannlegen. Då fekk me utfolda oss aleine i studioet hans, der me fekk låne både kamera, lys og andre rekvisittar. Der blei det mange NYDELEGE bilder ut av.

Når han kom tilbake tok me enda fleire bilder med fokus på lysbruk. Han oppmuntra og rettleia oss. Me tok utallige bilder og enda meir. Etter ein liten matpause tok me med oss kamera ut. Der viste han oss kva me kunne gjere med sol og nokre skjermar. Det blei utruleg fine bilete. Alså, lys og bakgrunn blei utruleg fint, modellane er vel so som so. Etter ein liten time ute, kom Leiv, pappan til Bjørn. Så sto me ei stund og snakka om gamle dagar, og korleis kamera og fotografering var før i tida. Han var også veldig facinert av at me er frå Skjolden og Luster. Han var kul. Ikkje kvar dag me ser ein 80- åring meg Gucci solbriller! Før me skulle reise sette me oss ned og snakka om kva me hadde gjort og kva me skulle gjere i morgon. Bjørn Bergum er ein veldig flink fotograf. Det hang diplomar og prisar over alt. Han er også ein veldig humørfylt og snill kar.

Me har hatt ein kjempe fin dag og gledar oss til i morgon!

Utplassering dag 3.

2008-04-09T05:05:00.000-07:00

Eg og Heidi er fortsatt i fotostudio på skulen. Idag starta me dagen med litt nett. Etterkvart fann me ut at me skulle fortsette å ta leppebilde av Heidi. Men idag la me til litt melis på eine kjaken. Det gjorde at biletet såg litt "kaldare" ut. Det var ein fin effekt. Med fint lys og rett fokus blei det fine bilete. Me tok frå forskjellige vinklar og med forskjellig lys.

Etter mat dryssa me melis over eine auge mitt. Så eg fekk melis på augevippene og litt under. Det blei det ein fin effekt av. Det hadde kanskje også blitt fine bilete av det hadde kamera villa våre med oss. Men det hadde det altså ingen planar om i dag. Frustrasjonen kom sigande saman med ein del ord som ikkje egnar seg på ein sopass seriøs og sofistikert blogg som min. (haha.) Me gav oss og konkluderte i at me hadde teke mange nokk brukbare bilete dei to førre dagane. Sidan me skal til Bjørn Bergum i morgon får me sikkert teke nokre bilete der og. Så produkt til framføring har me nokk av i massevis. Resten av dagen idag har gått med på å rydde, ettersom det flaut av alt frå sminke til kakepynt til lyskastarar her. Me har hatt ein ok dag, men gledar oss til å møte Bjørn Bergum i morgon.

Utplassering. Dag 2.

2008-04-08T04:23:00.000-07:00

Då er dag 2. av utplasseringa her. Eg og Heidi er i fotostudioet på skulen idag og. Utstyret sto oppe klar til bruk ettersom me ikkje tok det ned att i går. Idag hadde Heidi med seg Macrokamera til pappaKvamme. Med det skulle me ta nærbilete av auger og munn. Me starta med å sminke meg. Etter iherdig sminking, som kom noko ut av kontroll, såg eg ut som eit voldtektsoffer. Det var ikkje heilt meininga men det blei nokre ok bilete likevel. Utruleg kva ein kan gjera med litt lys!

Etterpå konsentrerte me oss om auge og munn. Me tok ein del veldig brukbare bilete av auga våre. Med fokuset både her og der blei det veldig fint. Me strødde litt sukker over eine auge til Heidi som gav ein fin effekt. Så med litt vaseline og kakepynt blei munnen min offer for kamera.

Sukker og liknande har me brukt flittig. Me tok sukker og strødde på leppane til Heidi mens ho hadde "love harts" mellom leppane. Ut av det blei det veldig stilige bilete. Me blei godt nøgde med akuratt dei bileta.

Me har hatt ein fin og effektiv dag.

Inspirasjon har me henta her.

Me har også sett på Flickr.

Veke 15. Utplassering.

2008-04-07T05:01:00.001-07:00

Denne veka skal klassen på utplassering. Eg og Heidi har valgt å vere hjå fotograf Bjørn Bergum. Han kunne ikkje ta imot oss før på torsdag, pga oppdrag i Voss. Difor har eg og Heidi reservert fotostudioet på skulen frå mandag til onsdag. Der skal me ta bilete me forskjellig lyssetting og diverse. Idag har me sett på korleis utstyret virkar og me har prøvd å sette det opp. Me har også testa ut litt forskjellig. Me greidde overraskande nokk å sette opp alt utstyret på fyrste forsøk. Så masinga til Ragnvald har gitt resultat. :)

Me sminka oss og brukte kakepynt o.l i ansiktet, før me tok nokre bilete for å prøve. Me brukte lyset og sette det på forskjellige plassar for å få forskjellige effektar. Me fekk ein del brukbare bilete og ein del lite brukbare. Me sette og opp ulike bakgrunnar. Me har brukt dagen i dag til å finne ut korleis ulike ting fungerar og surfa litt på nettet etter inspirasjon. Me har hatt det kjekt og gledar oss til resten av veka med fotografering.

Bildeserie frå Osloturen.

2008-01-30T02:08:00.000-08:00

I veke 4 la me ut på skuletur til Oslo. Her fekk me i oppgåve å ta bilete til eit prosjekt me skulle kalla "mitt Oslo." Me skulle ta bilete å finne 12 som me ville legge ut. Mitt valg av bilete er tilfeldig. Det er ikkje noko samanheng i bileta men det viser til korleis eg hadde det på turen. Turen var kjempefin og me hadde det veldig fint.

Her er linken til bildeserien eg har lagt ut på Flikr.

http://flickr.com/photos/13440718@N06/?donelayout=1

2008-01-10T08:25:00.000-08:00

Nåke so ska ligna pao ain siluett ao ain traktor. Veit ikkje kvifor bakgrunnen blei svart.

Illustrator oppgåva.

2008-01-10T07:51:00.000-08:00

Øverst: Kaos som uttrykkjer glede
Nederst: harmoni som uttrykkjer sorg.

Nettstad

2007-10-19T05:04:00.000-07:00

Me lagar nettstad. Her kan du sjå kor langt eg har komme. På bildet her er banneren min vekk. Det må eg fikse neste gong.

Photoshop bilde:)

2007-09-28T03:20:00.001-07:00

Før eg redigerte bilde i photoshop

Itte eg redigerte:)

:):)

2007-09-28T02:57:00.000-07:00

Helleeeeeeu:)